Adituak gara upstream alorrean, urpeko mailako proiektuetatik (subsea) ur-azalaren mailako proiektuetara (surface). Puntako ingeniaritzako soluzioak eskaintzen ditugu teknologia aurreratuenen bidez.
Industria honek lurpean eta urpean gordinkien eta gas naturalaren hobiak bilatzea barne hartzen du. Horretarako miaketa-putzuak zulatzen dira eta ondoren, gordinkiak eta gas naturala ekoizten eta azalerara eramaten duten putzuetan lan eginez.
AMPOk, industrian erreferentziazko hornitzaile izanik, 1964tik parte hartzen du upstream sektorerako puntako ingeniaritzako konponbideen diseinuan eta ekoizpenean eta aplikazio zailenak dituzten balbula erabakigarrienak hornitzen ditu honetarako:
Subsea
AMPO POYAM VALVESen balbulak urpeko ekoizpen- eta garraio-sistemetarako egokiak dira, hau da, itsaso zabaleko ekoizpen-gune baten azpiko hobi batetik petrolioa edo gasa ekoizteko, edo bertan fluidoak injektatzeko, itsas-zoruan edo itsas-zoru azpian lurperatua dauden ekipamendu eta egituretan erabil daitezke. Barne hartzen dituzte: ekoizpenaren gorako hodiak, emari-hodiak eta lotutako ekoizpenaren kontrolerako eta garraiorako sistemak.
Urpeko ekoizpen- eta kontrol-sistema baten oinarrizko funtzioa likidoen ekoizpena eta garraioa kontrolatzea da. Itsas hondoan putzu-ahoak eta lotutako azpiegitura mekaniko eta elektrikoak kokatzen dira, urruneko erreserbak edota ur sakonetakoak ekoiztea teknikoki eta ekonomikoki ahalbideratzen duen inguru bat emanez.
Subsea
Elementu hauetan instala daitezke AMPO POYAM VALVES en balbulak:
Subsea
Buiak eta estaldurak
BUIAK ETA ESTALDURAK: Pipeline End Manifoldera (PLEM) konektatuta daude gorako hodien bidez
Urpeko ekoizpen-sistemak
- Putzuak
- Izei itxurako putzua
- Hodi biltzaileak / txantiloiak eta konexio-sistemak
- Kontrol-sistemak
Urpeko garraio-sistemak
- Hoditeriak
- Urpeko isolatze-balbuladun (SSIV) instalazioak
- Pipeline End Manifold (PLEM)
- Esportaziorako gorako baseak (ERB)
- Tutu-karrakagailu sorta
- T eta Y itxurako unitateak
Subsea
AMPO POYAM VALVESek funtsezko industria horretarako puntako ingeniaritzako balbulak diseinatzeko eta fabrikatzeko egiaztagiri ezagunak ditu, hala nola, API6DSS, API17D eta API6A. Gainera, industria-arloko askotariko arau eta betekizunak gainditu ditugu.
Ikusi urperako balbulak (Subsea)Surface
AMPO POYAM VALVESen balbulak gainazaleko operazioetarako egokiak dira, esate baterako, petrolioa eta gasa ustiatzeko eta tratatzeko, metatzeko eta deskargatzeko, ekoizpena laguntzeko sistemek funtzionatzeko, etab. Goialdeko instalazioetan erabiltzen diren balbula guztiak egokiak izan behar dira gehienetan itsasertzean izaten diren ingurune gogorretarako. Gainazaleko instalazio hauek hainbat muturreko baldintzatan iraun behar dute, bero artiko nahiz tenperatura altuak, eta gasaren tratamendu-prozesuan zehar aplikatutako presioa jasan behar dute.
Elementu hauetan instala daitezke AMPO POYAM VALVESen balbulak: plataformak, FPSO, FSRU, FLNG, ustiapen- eta prozesamendu-unitateak, etab.
Surface
AMPO POYAM VALVESen esperientzia zabala dugu gainazaleko instalazioetarako puntako ingeniaritzako balbulen hornikuntzan. Karbonoa, tenperatura baxudun karbonoa, altzairu erdoilgaitza, duplexa eta superduplexa eta nikel aleazioa bezalako materialak daude eskuragarri. Material guztiak API, ASTM, ASME, ISO, NORSOK eta nazioarteko beste arau batzuk jarraituz horni daitezke.
Bezeroak mundu osoan subsea balbulaz hornitzean dugun esperientziak posible egin digu korrosioaren kontrolean esperientzia ezin hobea sortzea eta aplikaziorako pisu eta tamaina zehatzen betekizunak konplitzea.
Gure kudeaketa kalitate-arau zorrotzenetan guztiz oinarritzen denez, AMPO POYAM VALVESek bezeroak hoberen gogobeteko dituen produktua sor dezake. Ur-azaleko (surface) balbuletarako ohiko saiakuntza-prozedura API 6A/API6D arauetan oinarritzen da.
Ikusi ur-azalerako balbulak (Surface)